Ýuridiki şahslaryň hasabyna işgärleri betbagtçylykly hadysalardan köpçülikleýin meýletin ätiýaçlandyryş
Iş borçlaryny ýerine ýetirýän mahaly, işe syýahat wagtynda we işden gaýdanda ýol-ulag heläkçiligine uçran ýagdaýynda işgärleriň durmuşyna hem-de saglygyna zeper ýetmegi bilen baglanyşykly şahsy bähbitlerini ätiýaçlandyrýarys. Ätiýaçlandyrylan waka, ätiýaçlandyryş şertnamasynyň güýje giren döwründe ýüze çykan, zähmet borçnamalaryny ýerine ýetirýän wagtynda, şeýle hem işe we işden gaýdyp gelýän wagtynda heläkçilik sebäpli ätiýaçlandyrylan adamyň ömrüne ýa-da saglygyna zeper ýeten waka ýa-da ýagdaý bilen baglanyşyklydyr. Bu ätiýaçlandyryş işgärlere zähmet borçlaryny ýerine ýetirýän mahaly dürli garaşylmadyk wakalardan goramaga kömek eder.